WAZIRI MKUU AONGOZA MAZIKO YA MWALIMU WA BABA WA TAIFA

BUTIAMA.

WAZIRI MKUU, Mizengo Pinda na Mkewe Mama Tunu Pinda wameongoza Mamia ya waombolezaji  katika Maziko ya aliyemfundisha Baba wa Taifa, hayati Mwalimu Julius Nyerere katika  Shule ya Msingi Mwisenge Mjini Musoma,Mkoa wa Mara, Darasa la III na la IV Mwaka 1934, Marehemu James Irenge (120) katika mahame ya nyumbani kwao kijiji cha Busegwe Wilaya ya Butiama.

Akitoa salama za pole kwa familia ya Marehemu, Waziri Mkuu, Mizengo Pinda  amemtaja Mzee James Irenge kuwa alikuwa na dhamani kubwa katika nchi hii kwani alimfundisha Baba wa Taifa na kwamba ndiye Mwalimu Mkuu wa Taifa hili kwani ndiye aliyemjengea misingi bora na kwamba ndiye aliyepanda mbegu bora kwa hayati Baba wa Taifa Mwalimu Julius Nyerere na kuwa kiongozi bora, mhadilifu na mchakapakazi.

Aliitaka familia kuwa na subira katika kipindi hiki kigumu ambapo wamepoteza mtu muhimu ambaye  walikuwa wanaendelea kupata baraka kutoka kwake na malezi bora.

Amesema kuwa wakati wa Ziara yake ya Mwaka jana Marehemu Irenge alimwomba msaada wa chakula ambapo kwa jitihada za serikali  zilitolewa  fedha kiasi cha Sh.300,000 kila mwezi na kwamba serikali haitaiacha familia bila kutoa msaada kwani Mjane wake bado yupo hivyo itaendelea kutoa huduma.

Aidha familia imeiomba Serikali kufuatilia kiinua mgongo na gharama za usafiri alizokuwa anadai Marehemu  Mwalimu Irenge kutoka Mkoa wa Geita kuja Musoma alikokuwa anafanya kazi kabla ya kustaafu kuanzia mwaka 1969 suala  ambalo ni la muda mrefu sasa ambapo fedha hizo apewe mjane wa Marehemu,Josephina Nyirembe ili zimsaidie.

Mwalimu James Irenge alifariki dunia nyumbani kwake  Mwisenge katika Manispaa ya Musoma Julai 21 mwaka huu kwa ugojwa wa moyo,Baba yake alifariki dunia majira ya 4 usiku.

Waziri Mkuu na Mkewe Mama Tunu Pinda waliweka mashada ya maua katika kaburi la Mwalimu James Irenge.

Katika Uhai wake Mwalimu Irenge aliwahi kuwa Mkaguzi Mkuu wa Elimu Kanda ya Ziwa, Mwalimu Mkuu Shule ya Msingi Fulwe iliyoko Mkoa wa Geita na baada ya kustaafu Mwaka 1969/1970 alianzisha  Kijiji  cha  ujamaa cha Hiyayabuyaga-Geita  na mwaka 1980 aliendelea kuwa mkulima.Marehemu ameacha mjane, watoto 8 walioko hai, wajukuu  30, vitukuu 20 na vilembwe 8.

Katika uhai wake na kuhitimisha miaka 120 duniani, amefariki akiwa na meno yote kasoro jino moja ambalo aliwahi kuanguka na kulipoteza, pia alikuwa hatumii miwani kuona.

Katika maziko hayo viongozi mbalimbali wa Chama na Serikali walihudhuria akiwemo Waziri  wa Nchi Ofisi ya Rais Mahusiano na Uratibu,Steven Wasira ambaye pia ni  Mbunge wa Jimbo la Bunda, Mbunge wa Jimbo la Musoma Vicent Nyerere na  Mbunge wa Jimbo la Musoma Vijijini, Nimrode Mkono.

Ibada ya Maziko iliongozwa na Askofu wa Kanisa la Anglikana Dayosisi ya Mara, Helkia Omindo.

MNARA WA MASHUJAA KUJEGWA MUSOMA.

MUSOMA.

Na: Ghati Msamba.

MKUU  wa Mkoa wa Mara, John Tuppa amewataka viongozi n awadau mbalimbali kuhakikisha kunajengwa Mnara wa kumbukumbu ya Mashujaa bila kupuuuza alama mbalimbali za mashujaa zilizopo ikiwemo ya mnara mdogo uliopo sasa.

 Aliyasema hayo katika maaddimisho ya siku ya mashujaa iliyofanyika kimkoa kwenye viwanja vya kanisa la Roman Cathoric (RC) Rwamlimi nje kidogo ya Manispaa ya Mji wa Musoma.

Alisema kuwa zoezi la ujenzi wa mnara mpya likisimamiwa na kuratibiwa ipasavyo mwakani, maadhimisho hayo yanaweza kufanyika katika Mnara mpya kuliko kwenda eneo jingine.

Aliongeza kuwa nia na madhumuni ya kuchagua Mnara mdogo kwa kuwa ina kumbukumbu ya kuanguka kwa ndege tatu za  kivita za Jeshi la Wananchi wa Tanzania(JWTZ) zilizoanguka mwaka 1979.

“Hapa  pana nasaba kubwa na maadhimisho hayo kuliko kufanyia kwenye viwanja vya wazi, na kilichotoleta si dhehebu la dini bali ni alama ya Mnara yenye uhusiano na maadhimisho haya”

“Hatuna malipo yanayolingana na ushujaa waliouonyesha mashujaa wetu, hatuna.Tuendee kuwakumbuka na kuwaombea Amen”Alisema Tuppa.

Aliwataka wananchi wa Mkoa wa Mara kuendelea kufuata nyayo za mashujaa wetu, kulinda hazina za ujasiri, uzalendo, umoja na amshikamano walizotuachia na kutocheza amani iliyopo kwani haikujegwa siku moja  na kwamba  endapo tutadhubutu kuiachia itaondoka mara moja lakini itagharimu muda mwingi na jasho jingi kuirudisha.

Aidha maadhimisho hayo yanayanyika Julai 25, badala ya Septemba 1, 1964 ya kila mwaka  kwani julai 25,1979 ndiyo siku ambayo Taifa la Tanzania liliwapokea mashujaa rasmi waliokuwa wanarudi nchini wakitokea Uganda baada ya kumaliza kazi kubwa ya kishujaa ya kumng’oa nduli Idd Amin Dada, kwa mapokezi yaliyafanyika Nyakanazi  Mkoani Kagera na Septemba 1 ndiyo jeshi jipya la Wananchi wa Tanzania lilipoundwa baada ya jeshi la Zamani lililoridhiwa kutoka kwa wakoloni lilipovujwa.

Mkuu wa Mkoa huyo ameipongeza Parokia ya Ramwilimi na Kanisa Katoliki kwa kuutunza na kuulea Mnara huo na ushirikiano waliotoa kwa Serikali kila ilipohitajika kufanya shughuli  zake katika eneo hilo snajala na madhehebu mengine yalishiriki katika maadhimisho hayo bila kujali mahali maadhimisho  hayo yamefanyika.

Aidha ametaka wananchi kushiriki katika zoezi la sense ya watu na makazi la litakalofanyika Agosti 26 2012 na kuhudhuria kwa wingi ili kutoa maoni ya katiba Mpya pale itakapopita kupokea maoni juu ya katiba hiyo.

Kufanyika kwa Maadhimisho hayo kunatokana na agizo la Rais wa Jamhuri ya Muungano wa Tanzania na Amiri Jeshi Mkuu wa Majeshi ya Ulinzi na Usalama, Dk. Jakaya Kikwete kutoa maelekezo siku hii isiadhimishwe Mkoa wa Dar es Salaam pekee badala yake iadhimishwe kila Mkoa.

ALIYEMFUNDISHA BABA WA TAIFA, DRS LA I LA 11,

JAMES IRENGE(120) AFARIKI DUNIA.

MUSOMA.

ALIYEMFUNDISHA Mwalimu wa Baba wa Taifa, hayati Mwalimu Julius Nyerere darasa la

Kwanza na la Pili katika shule ya Msingi Mwisenge Mjini Musoma, Mkoa wa Mara, Mwaka 1934,James Irenge (120) amefariki dunia.

Mwalimu James Irenge alifariki dunia nyumbani kwake  Mwisenge katika Manispaa ya Musoma Julai 21 mwaka huu kwa ugojwa wa moyo na uzee.

Akizungumza na Uhuru nyumbani kwa marehemu jana, msemaji wa familia Josiah Irenge alisema kuwa Baba yake alifariki dunia majira ya 4 usiku akiwa nyumbani kwake na baadae mwili wake ukapelekwa kuhifadhiwa katika chumba cha kuhifadhia maiti kilichoko katika hospitali ya Mkoa mjini Musoma.

Akizungumza kwa majonzi alisema kuwa ameshangazwa na Madaktari ambao waliagizwa na Waziri Mkuu, Mizengo Pinda kumfanyia matibabu kutofika kabisa tangu Waziri huyo alifika mwaka jana Mjini Musoma kwa Ziara ya kikazi.

“Nakumbuka baba wakati wa uhai wake alimwomba Waziri Mkuu kuwa awe anapata matibabu na akaagiza  madaktari kumpatia matibabu lakini cha kushangaza tangu siku hiyo hawakuonekana na hivyo kuilazimu familia kuendelea kumuhudumia hadi mauti ilipompata”

Alisema Josiah na kuongeza kuwa anaishukuru serikali  kwa kuleta pesa za chakula ambazo pia aliomba kwa Waziri Mkuu ambapo zilipelekwa Sh.300,000 mara tatu  tangia mwaka jana.

Alisema wakati wa uhai wake  Mwalimu Irenge alikuwa anadai kiinua mgongo na gharama za usafiri kutoka Mkoa wa Geita kuja Musoma alikokuwa anafanya kazi kabla ya kustaafu kuanzia mwaka 1969 na kuiomba serikali kuingilia kati suala hilo ambalo ni la muda mrefu na fedha hizo apewe mjane wa Marehemu,Josephina Nyirembe ili zimsaidie.

Katika Uhai wake Mwalimu Irenge aliwahi kuwa Mkaguzi Mkuu wa Elimu Kanda ya Ziwa, Mwalimu Mkuu Shule ya Msingi Fulwe iliyoko Mkoa wa Geita na baada ya kustaafu Mwaka 1969/1970 alianzisha  Kijiji  cha  ujamaa cha Hiyayabuyaga-Geita  na mwaka 1980 aliendelea kuwa mkulima,

.Marehemu ameacha mjane, watoto 12, wajukuu zaidi ya 30, vitukuu 20 na vilembwe 8.

Katika uhai wake na kuhitimisha miaka 120 duniani, amefariki akiwa na meno yote kasoro jino moja ambalo aliwahi kuanguka na kulipoteza, pia alikuwa hatumii miwani kuona.

 Aidha aliipongeza kampuni ya uhuru Publication kwa ufuatiaji  na umakini  wao katika kuhabarisha  Umma na hatimaye kusaidia kijana na marehemu ,Nassoro Irenge ( Bondia) ambaye alikuwa amepatwa na mkasa wa kesi isiyo yake nchini Afrika Kusini  na kurejea nchini jambo ambalo marehemu aliiomba asaidiwe na kufanikiwa.

Maziko yanatarajiwa kuwa  Alhamisi,julai 26 katika Mahame ya kijijini kwao Busegwe Wilaya ya Butiama, ambapo Waziri Mkuu Mizengo Pinda anatarajiwa kuongoza mamia ya waombolezaji katika maziko hayo.

MUSOMA.

JUMLA ya Wakufunzi wapatao 136 kutoka katika  Wilaya za Mkoa wa Mara, wamepata mafunzo ya Sensa ya watu na Makazi ya Mwaka 2012

Akifungua mafunzo hayo ya siku 12, yaliyoanza Julai 16 katika Ukumbi wa CCM Mkoa wa Mara, Mkuu wa Mkoa wa Mara, John Tuppa alisema zoezi la Sensa halitakwamisha shughuli za kiuchumi na kijamii kwani makarani wapo kwa ajili ya kufanya kazi hiyo.

Alisisitiza kwa wananchi kwamba kuwa suala la Msingi ni kwamba kila mtu atakayelala nchini Agosti 25 kuamkia Agosti 26 ni lazima ahesabiwe mara moja tu.

“Ninawaomba wananchi wote mtoe ushirikiano wa kutosha kwa makarani wa Sensa ili kupata taarifa muhimu na sahihi kwa ajili ya mipango endelevu ya maendeleo ya nchi yetu”Alisema Tuppa.Na kuongeza “ kuweni marafiki kwa makarani hapo ili wafurahie kazi yao na matokeo yake yawe mazuri.

Aidha amevitaka vyombo vya dola, kamati za ulinzi na usalama za kila ngazi, Mgambo pamoja na vikundi vya ulinzi wa jadi chini ya dhana ya ulinzi shirikishi vichukue nafasi zao ili kuhakikisha zoezi la sensa linafanyika kwa usalama toka mwanzo hadi mwisho,sanjali na  ulinzi wa vifaa vya sensa.

Aliwataka kufuatilia mafunzo hayo kwa makini na usikivu wa hali ya juu ili hapo baadae wawe walimu wazuri watakaoendesha shughuli zote kwa usahihi na kwamba yapo maboresho makubwa yaliyofanywa katika madodoso na mfumo mzima wa utunzaji wa kumbukumbu kutokana na kukua kwa sayansi na teknolojia kwa kutumia teknojia ya Scanning ijuliknayo kama Optical Mark Reader(OMR)ambayo iliyotumika mwaka 2002.

Teknojia hiyo iliipa heshima kubwa nchi yetu katika Nyanja za kimataifa na kupelekea baadhi ya nchi za kiafrika kujifunza na kuchaguliwa kuwa mjumbe wa kamisheni ya Takwimu ya Umoja wa Mataifa.

Alitoa pongezi kwa Wilaya ya Tarime ambayo ilitoa ushirikiano wa kutosha katika jaribio la sense iliyofanyika katika kata za Matongo, Nyangoto A na B mwaka 2011, viongozi wa madhehebu ya dini, Vyama vya siasa, Mashirika yasiyo ya kiserikali, Taasisi mbalimbali za Umma na binafsi, vyama vya walemavu,Wazee, vyombo vya habari,Wabunge, Madiwani.

Aliwashukuru pia Wazee wa mila na Koo, viongozi wa serikali za Mitaa, viongozi n awatendaji ngazi ya Tarafa, Kata, vijiji hadi vitongoji na mitaa katika kazi kubwa ya kuhamasisha wananchi wa Mkoa wa Mara ili washiriki katika zoezi la Sensa.

Awali akisoma hotuba yake Mratibu wa Sensa Mkoa wa Mara, Ramadhan Mbega alisema kuwa mafunzo hayo yanashirikisha wakufunza wapatao 136 toka ngazi ya Mkoa na Halmashauri zote n akwamba uchaguzi wa wakufunzi hao ulifanywa kwa umakini wa hali ya juu na hivyo wana imani nao na kwamba wanatarajia kupata matokea chanya mwisho wa mafunzo hayo.

Alisema kuwa lengo kuu la mafunzo hayo ni kuwatayarisha watendaji wote watakaohusika katika zoezi la kukusanya taarifa kwa kufuata maelekezo kikamilifu kwa uelewa wa pamoja na kutoa ufahamu kwa wakufunzi jinsi ya kufundisha, kutafsiri na kutumia melekezo kwa makrani na wasimamizi, pamoj ana vifaa mbalimbali vya sensa.

Kufuatia sense zilizotangulia Mkoa wa Mara ulikuwa na watu 723,327 mwaka 1978,wanaume 118,476 wanawake 134,534 Mwaka 1988 wakikuwa watu 946,418 kati ya hao wanaume walikuwa 444,446 na wanawake 501,972, ambapo sensa ya mwaka 2002 walikuwa watu 1,362,397 wanawake wakiwa 713,690 na wanaume 649,707

WATU WANNE WAMEFARIKI MMOJA KWA KUJINYONGA

MUSOMA.

WATU wanne wamefariki dunia katika matukio mawili tofauti likiwemo la kujinyonga na ajali ya gari.

Akizungumza na blog hii, ofisini kwake Kamanda wa Polisi,Kamishna Mwandamizi wa Polisi (SACP), Absalom Mwakyoma alisema tukio la ajali lilitokea majira ya saa 9:40  Alasiri ,Julai 14 ambapo  watembea kwa miguu watatu walifariki dunia katika barabara iendayo Saragana- Kusenyi Suguti.

Alisema ajali hiyo ilihusisha  gari aina ya Jpsum yenye namba za usajili T 752 BQR likiendeshwa na Antony Kusaga(45) mwenye mali hiyo ambaye aliwagonga waenda kwa miguu, Asha Mwero(16) ambaye ni mwanafunzi wa kidato cha kwanza katika Shule ya Sekondari ya Suguti Wilaya ya Musoma Vijijini ambaye alifariki dunia siku hiyio hiyo akipata matibabu katika hospitali ya Mkoa Musoma.

Aliwataja wengine wawili waliofia hapo hapo kuwa ni Nyakwesi Mwero ( 15) na Rebina Mwero (4) wote wakazi wa kijiji cha Suguti katika Wilaya ya Musoma Vijijini.

Alikitaja chanzo cha ajali kuwa inasadikiwa kuwa ni mwendo kasi aliokuwa nao dreva na kwamba dreva huyo alijisalimisha mwenyewe katika kituo cha polisi na kwamba tayari amefikishwa mahakamani.

Katika tukio jingine lilitokea Julai 17,asubuhi katika maeneo ya Mahakama kwenye nyumba ya Marehemu Dokta Emmanuel Magoti,  mtu mmoja ambaye bado hajajulikana jina lake mwenye jinsia ya kiume amekutwa akiwa amefariki baada ya kujinyonga ambapo mwili wake umepelekwa katika chumba cha kuhifadhia maiti katika hospital ya Mkoa Musoma.

Amewataka wakazi wa Mji huo kwenda katika Chumba hicho kutambua mwili wa marehemu ili mwili wake ukazikwe vinginevyo utazikwa na serikali

WAHAMIAJI HARAMU WAKAMATWA

JUMLA ya wahamiaji haramu na walowezi  wapatao 319 wamekamatwa kwa kipindi cha Januari- Mei Mwaka huu.

Akizungumza na BLOG hii ofisini kwake, Afisa Uhamiaji Mkoa wa Mara, Jacob Sambai alisema kuwa kati ya hao wapo waliofikishwa mahamakani na wapo walirurejeshwa kwao pia waliotumikia kifungo.

Alisema kuwa kati ya hao wapo Wakenya 259, Wathiopia 44, Warundi nane,Wasomali watatu, Waganda watatu na Wakongo wawili.

Alisema kuwa  hatua zilizochukuliwa ni pamoja na kuwafukuza nchini ambapo waliofukuzwa ni wapatao 197 kutoka nchi mbalimbalimbali na wanaoendelea kuchunguzwa ni 39, waliokutwa ni wakimbizi ni nane, waliofugwa kwa amri ya mahakama ni tisa na kwa wale ambao kesi zao ziko mahakamani ni saba, waliogundulika ni watanzania kutoka na mwingiliano na kufanana kwa lugha kati ya makabila ya Wakurya wa Kenya na Wajaluo wa Kenya ni tisa na walioharalisha ukazi ni 60.  

Alisema kuwa Idara hiyo ina changamoto mbalimbali zinazowakabili ikiwa ni pamoja na uhalifu wanaofanyiwa wafanyakazi wawapo kazini kuchomwa visu hadharani,Mauaji,  uvamizi wa kutumia silaha hali ambayo inahatarisha maisha yao, ubora na ufanisi wa kazi jambo ambalo watumishi wamekuwa na hofu kubwa ya kufanya kazi huku wakihofia usalama wao.

“Kuna baadhi ya wenzetu si vizuri kuwataja majina yao waliwahi kuvamiwa kwa kutumia silaha,kwa bahati njema walipona na wengine kuchomwa visu wakiwa kazini,madhalani basi limekuja na abiria unawaambia washuke ili wagongewe hati ya kusafiria passport, ghafla anakuja mtu usiyemfahamu anakutaka vidole, mmoja wetu alifanyiwa hivyo, sasa hii ni hatari sana” Alisema Sambai.

Alisema kuwa chagamoto zingine zinazoikabili Idara hiyo ni pamoja na  mwingiliano wa makabila kati ya Wakenya wa kabila la Wajaluo na Wakenya wa kabila la Wakurya ambao wanafanana tabia na  Wakurya Watanzania na Wajaluo wa Tanzania, kwa hiyo inakuwa ngumu kuwatofautisha na kuwatambua kutokana na lugha zao kufanana na baadhi yao wamekuwa na mahusiano ya kindugu, Uhaba watumishi na ukosefu wa nyumba za watumishi.

Aidha kumekuwepo na baadhi ya viongozi wakiwemo wenyeviti wa vijiji na baadhi viongozi wa vyama vya siasa hasa madiwani wamekuwa na asili ya wakenya, hivyo inakuwa ngumu kumtaja mtu ambaye ameingia nchini na anaishi bila kibali kutokana na mahusiano kati yao jambo ambalo limekuwa likikwamisha utendaji kazi.

Ukubwa wa mipaka umekuwa changamoto kubwa kwa idara hiyo kutokana na urefu wake na umbali kwa vituo vya ukaguzi vya Kogaja na Shirati kuwa nje ya mpaka, hivyo ni vyema zikahamishwa ili kuweka ufanisi wa kazi na kufufuliwa  kwa kituo cha Bolega kilichoko Wilaya ya Tarime ambapo awali kilikuwa na msaada mkubwa.

.

Alisema kuwa kwa mwaka huu Idara ya Uhamiaji Mkoa huu imeweza kutoa semina katika Tarafa zipatazo nane zenye kata 56 na vijiji au mitaa 210 katika Wilaya za Bunda Tarafa ya Kikopya na Chamriho, Wilaya ya Rorya Tarafa ya Girango  na Tarafa ya Nyancha, Wilaya ya Serengeti Tarafa ya Logolo na Gurument, Wilaya ya Tarime Tarafa ya Nyancha,vijiji vya Ichange na Inchugu, Wilaya ya Musoma inatarajiwa kufanyika katika Tarafa ya Nyancha na Makongoro.

Semina hizo zilikuwa na  lengo la kuweka ufanisi na kutoa taarifa kwa vyombo vya dola ambapo namba za simu za viongozi zilitolewa kwao ili kutoa taarifa panapotokea mtu ameingia nchini na anaishi bila kuwa na vibali pia aliwasisitiza viongozi hao kuwapa moyo wananchi kwani wamekuwa na uwoga wa kuwataja wahamiaji haramu kutokana na kuhofia usalama wao wa kuhatarisha maisha.

MADINI TUNAYO BARABARA HAIPITIKI NYAMONGO

TARIME.

ABIRIA na Madereva wanaofanya safari zao kupitia barabara ya Nyamwaga kuelekea Nyamongo Wilayani Tarime Mkoani Mara  Wameitaka  Serikali kukarabati barabara kwa viwango vinavyotakiwa kwa  madai kuwa barabara itokayo Nyamwaga hadi Nyamongo imedaiwa kuwa kero kutokana na miundombinu mibovu ya barabara.

Walisema kuwa kuendelea kuwepo kwa ubovu wa barabara na kutokarabatiwa inawapa kero nakwamba wakati mwingine hulazimika  kushuka toka ndani ya gari na kutembea kwa miguu pindi magari yakwamapo.

Wakiongea na  mwandishi wa mwananchi juzi ambaye naye alikuwa miongoni kati ya wasafiri waliokuwa wanakwenda Nyamongo na kisha kukwama  eneo la Kumarera-Nyamwaga kutokana na ubovu wa barabara walisema kuwa wanapata hasara na usumbufu pindi  magari yakwamapo ambapo huwalazimu kuchukuwa usafiri wa pikipiki huku wasiokuwa na pesa wakitembea kwa miguu kutoka maeneo mabovu ya barabara hadi mahali waendako kwa mwendo wa zaidi ya kilomita 10.

“Abiria tunapata kero na usumbufu kutokana na ubovu wa barabara ukifika eneo la Nyamwaga hadi Nyamongo barabara ni mbovu magari yanakwama  inabidi watu washuke kutafuta utaratibu mwingine wa usafiri kama pikipiki ulipe pesa nyingine na wakati huo uchukuwe na usafiri mwingine kwa ajili ya kubeba mizigo yetu inatupa hasara sisi wasafiri”alisema Bhoke Chacha mkazi wa kijiji cha Nyangoto- Nyamomgongo.

Abiria hao walisema kuwa kukwama kwa magari  kunasababisha wasifike kwa wakati unaotakiwa mahali waendako kutokana na magari hayo kuchukuwa muda mrefu safarini na kwamba kwa wale waendao vijiji vya mbali hulazimika kulala katika nyumba za wageni( Guest) Nyamongo huku wengine kuhairisha kuendelea na safari na kurudi watokako.

“Barabara  ikarabatiwe kwa kiwango kinachotakiwa,kwa kawaida kutoka mjini Tarime hadi Nyamongo kwa usafiri wa gari ni dakika 45 lakini kutokana na ubovu ni zaidi ya saa moja na nusu,nauli toka Tarime hadi Nyamongo ni 5,000 gari linapokwama  inabidi ulipe tena 5,000 kwa ajili ya usafiri wa pikipiki  na kama una mzigo unalipia pikipiki nyingine 5,000 unajikuta unatumia zaidi ya 15,000, Serikali isipuuze irekebishe barabara, na kuna siku magari yalikwama  eneo la kumarera yakaondoka usiku wa saa 3 na eneo hilo ni hatari kwa usalama, watu utekwa na kuporwa vitu na wengine walishajeruhiwa eneo hilo”alisema Nicolaus Coronelio Mtendaji wa kata ya Matongo-Nyamongo.

Mmoja kati ya Madereva wa magari anayefanya safari zake kutoka Tarime hadi Nyamongo alisema kuwa kuendelea kuwepo kwa ubovu wa barabara hiyo imekuwa ni kero baina yao na abiria ambapo pia alisema huingia gharama kubwa za mafuta kutokana na kutumia muda mrefu kusafiri njiani.

“Ubovu wa barabara unatupa kero madereva barabara ina mashimo mengi  mvua ikinyesha magari yanakwama,yakikwama inabidi tuwarudishie abiria nauli ukikataa kurudisha nauli ni mgogoro tunaingia hasara kutokana na umbali mlefu tunaokuwa tumetoka magari yakikwama abiria wanaondoka zao tunabaki sisi madereva na magari yetu inatubidi twende kwenye miji kuomba majembe walau kurekebisha kidogo ”alisema Bunini.

 Aliongeza” maeneo mengi ya barabara ni mabovu akija kiongozi wa kitaifa barabara inatengenezwa kwa haraka usiku na mchana inaripuliwa wiki mbili zikipita inarudi katika hali yake ya ubovu kama kawaida ukarabati unaofanyika kwenye barabara siyo ule wa viwango vinavyotakiwa inalipuliwa”alisema Dereva Chacha Bunini mkazi wa Nyamongo.

Kuendelea kuwepo kwa ubovu wa miundombinu ya barabara  wasafiri wamekuwa wakipata shida hasa wakati wa mvua ambapo mnamo Mei 25 zaidi ya Magari 50 yalikwama katika eneo la Kumarera-Nyamwaga kwa muda wa zaidi ya sa 6 baada ya magari hayo yaliyokuwa yakifanya safari zake kati ya Tarime,Nyamongo na Mugumu kukwama na hivyo kuladhimu abiria kushuka na kutafuta usafiri wa pikipikina wengine kutembea kwa miguu.

Mhandisi Mkuu wa barabara(Tanroad) Mkoa wa Mara Emanuel Koroso alipoelezwa  malalamiko ya ubovu wa barabara pamoja na kumtaka kutoa taarifa za gharama zilizotengwa na zilizotumika  kwa ajili ya kukamilisha ukarabati wa barabara ya Nyamwaga alisema barabara hiyo   haimuhusu yeye bali  mhusika wa barabara hiyo ni Mgodi wa North Mara Barrick ambaye Mkansarasi wake ni Kampuni ya Casco inayofanyashughuli zake ndani ya mgodi wa North Mara.

Uongozi wa Mgodi wa dhahabu wa North Mara Barrick kupitia Afisa habari Robert,,,,,,,,, walipotakiwa kujibu  malalamiko ya wananchi kuhusu Ukarabati wa barabara unaofanywa na mgodi huo hawakuwa tayari kusema lolote.

Mkuu wa Wilayani John Henjewele alipoulizwa msimamizi  wa barabara hiyo ambayo imekuwa kero kwa wasafiri kutokana na ubovu wa barabara alisema kuwa barabara ya Nyamwaga hadi Mugumu iko chini ya Tanroads ambapo alihimiza kuwa wakandarasi wanaoajiriwa na mgodi wanapaswa kufuata vigezo sawa na wale wanaokodiwa na Serikali na inapojengwa au kukarabatiwa kwa viwango vinavyotakiwa  mkandarasi anatakiwa awajibiswhe mara moja.

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,Mwisho,,,,,,,,,,,,,,,,,,,,,,,,,,,,,,,,,,,,